2 Chronicles 19
Amazwi omprofethi uJehu
1UJehoshafathi inkosi yakoJuda wasebuyela endlini yakhe ngokuthula eJerusalema a. 2UJehu indodana kaHanani b umboni wasephuma ukumhlangabeza c, wathi enkosini uJehoshafathi: Unganceda yini omubi, uthande labo abazonda iNkosi d? Ngenxa yalokhu-ke kulolaka phezu kwakho oluvela ebusweni beNkosi e. 3Loba kunjalo izinto ezinhle zitholwe kuwe f, ngoba ususile izixuku elizweni g, walungisa inhliziyo yakho ukumdinga uNkulunkulu h. 4UJehoshafathi wasehlala eJerusalema; wabuya waphuma wahamba phakathi kwabantu, kusukela eBherishebha i kusiya entabeni yakoEfrayimi, wababuyisela eNkosini, uNkulunkulu waboyise j.UJehoshafathi umisa abahluleli
5Wasemisa abahluleli elizweni k kuyo yonke imizi ebiyelweyo yakoJuda, kumuzi ngomuzi l. 6Wasesithi kubahluleli: Bonani elikwenzayo, ngoba kalehluleleli umuntu kodwa iNkosi, elani endabeni yokwahlulela m. 7Ngakho-ke uvalo ngeNkosi kalube phezu kwenu, linanzelele likwenze, ngoba eNkosini uNkulunkulu wethu kakulabubi n lokukhangela ubuso lokwemukela izivalamlomo o. 8Futhi leJerusalema uJehoshafathi wasemisa abanye kumaLevi labapristi lakunhloko zaboyise zakoIsrayeli p kusahlulelo seNkosi lakumibango, sebebuyele eJerusalema q. 9Wasebalaya esithi: Lizakwenza njalo ekuyesabeni iNkosi r, ngobuqotho langenhliziyo epheleleyo s. 10Lawuphi umbango oza kini ovela kubafowenu abahlala emizini yabo, phakathi kwegazi legazi, phakathi komthetho lomlayo, izimiso lezahlulelo t, lizabaxwayisa ukuze bangabi lecala eNkosini u, lolaka lwehlele phezu kwenu laphezu kwabafowenu v. Lizakwenza njalo, futhi lingabi lacala w. 11Khangelani-ke, uAmariya umpristi oyinhloko uphezu kwenu x kulo lonke udaba lukaJehova y, loZebhadiya indodana kaIshmayeli, umbusi wendlu yakoJuda, kulo lonke udaba lwenkosi; labaphathi amaLevi baphambi kwenu. Qinani likwenze; iNkosi-ke izakuba lolungileyo z.
Copyright information for
Ndebele